لازم تختار الوسيط الصح
لازم تختار الوسيط الصح اللى هيجيبلك حاجة تاكل من وراها الشهد، و ياما سمعنا عن ناس اتنصب عليا في فلوس لأنها ماختارتش صح. .
واحدة كلمتنا على ماسنجر بتحكي فيه انها اشترت شقة من واحد في 6 اكتوبر على انها تمليك وبعد ما اشترتها ودفعت الفلوس طلع ان الشقة عقد ايجار لمدة سبع سنين من جهاز المدينة والراجل اللى اشترت منه رافض برجعلها فلوسها ومش عارفة تعمل ايه.
مهنة الوسيط العقاري في مصر مش واخدة حقها والناس بتنظر ليها بشكل مش لطيف وده لأسباب كتيروصفات مش حلوة منتشرة بين الوسطاء .
زى قلة الخبرة بالمشروع اللي بيتكلم عليه والمشاريع المنافسة و عدم اهتمامه متطلبات العميل ، وعدم الـشفافية مع العميل واليكم تفصيل الموضوع :
قله الخبرة الناتجة من صغر سن نسبة كبيرة من الوسطاء العقاريين فى مصر وقلة خبرتهم فى المجال العقاري بسبب دخولهم المجال من فترة قريبة ، وعدم حصولم على التدريب الكفى من قبل الشركة اللى موظفاهم، وحتى اصحاب الشركات سنهم صغيروكل الفكرة انهم باعوا بيعتين حلوين فشإف نفسه وقال أنا هفتح شركة.
طب هتيجي لدولة زى أمريكا هتلاقى موضوع انك تكون وسيط عقاری دی عمليه طويله وبتاخد جهد كبير وفلوس بتصرفها على كورسات وامتحانات عشان تاخد رخصة خاصة للـوساطة العقارية مما أدى إلى أن الوسيط العقارى متـوسط عمره 48 سنة.
فى امريكا عشان تبقى وسيط عقاري لازم تمر بمراحل كتير:
أولا : ان تعمل لمدة 3 سنوات تحت يد مسوق عـقارى بشرط انك تعدى امتحان تابع لهيئة ادإرة العقارات وساعتها بيكون اسمك وكيل
ثانيا: بعد العمل لمدة 3 سنوات بتخش امتحان ثانی . عشان تاخد الرخصة اللى بيتم تجديدها سنويا بامتحان خاص
ثالثا: الوسيط العقارى يجب أن يكون لديه معرفة بقوانين وانظمة البناء ، ويكون على معرفة بكيفية تجهيزالعقود والتفاصيل القانونية والتعاقد مع شركات التأمين
ولكن كل ده مبيروحش هباء فهتلاقى ان عمولة الوسيط العقاري بتكون من 6 إلى 8 % من البائع والمشترى .فالوساطة العقارية في أمـريكا مهنة قوية لها رخصتها ولها نقابتها الخاصة، غير عندنا فى مصر حيث تعتبر مهنة من لا مهنة له او حاجة الواحد بيشتغلها بعد العصر لما بيرجع من شغله الاساسى.
عدم اهتمامه بمتطلبات العميل بمعنى إن هوبيسأل العميل عايز تشترى ولا تأجر شقة ولا بيت وميزانيتك قد ايه ، وعايزمساحة قد ايه بس كده.
لكن اللى المفروض يحصل انه يشوف كام حاجة كده:
１) هـو شغال ايه و فين وعلى اساسی كده تختار له مكان قريب من شغله فى مكان بيسكن فيه ناس من نفس المستوى بتاعه
２) هوكان عايش فين قبل كده ، بمعنى لوكان جای من قرية فأنت هتجيبله مكان فيه كثافة عالية عشان ميحسـش بالفرق الكبير ، ويحس بالألفة مع المكان.
３) ولو كان جای من مكان فيه دوشة كبيره زى القاهرة أوالجيزة وزهقان من کد تضور له على مكان هادی .
４) إذا كان عنده أولاد في مدارس تضور له على مكان فيه مدارس مناسبة ليم
５) إذا كان عنده مشكلة دائمة في ركن العربية توفر له مكان فيه ركنه مناسبه .
６) إذا كان عاير شقة تشوف العدد المناسب من غرف النوم المناسب ليه.
７) اذا كان بيضور على بيت تشوف اذا كان عايزه بیت خاص يسكن فيه لوحده أو عايز يبقى يبنى لأولاده فى المسقبل فتشوف له مساحة اكبر والقائمة تطول.
٣) عدم الشفافية مع العميل سواء كان فى :
1) فى بنود الـعـقد.
٢)المشـاكل المـوجـودة فى العقار
۳) قربه من مناطق منفرة زی : مصرف صحى، مدفن قمامة مجمع سجون مناطق ورش ومصانع.
٤) انه بيحط اوفر برايس عشان يعمل فلوس زيادة.
٥) مـواصفات الشقة من مساحات او اتجاهات شمس ورياح.
٦) الخدمات المحيطة بالشقة أو المنـزل.
٧) وجود بدائل أفضل ومناسبة أكثر بالنسبة للعميل حبرة وأمانة.
فكل الحاجات دی مش هتحصل إلا إذاكان عنده خبرة وامانة.
وانت کواحد بتشترى عقار بتحط فيه شقى عمرك، و ممكن تعيش فيه لمدة ١٠ او ٢٠ سنة أواكثر من كده.
وتلاقى واحد تانی اشترى بيت وطلع قدامه مجمع قمامه أو ورش تلاقيه وهو داخل وهو طالع على المنظر ده العمر كله.
فيا جماعة الخير اختاروا الوسيط الصح حتى لو بسعر زيادة لان الغالي تمنه فيه
