طلب صورة من محضر الاستلام (بالمدن الجديدة)
ورقه وقلم واكتب بقي
الأول هتروح قسم الشرطه تعمل مذكرة فقد لمحضر الاستلام
ودى بتطلع ساعتها وبتدفع ٢٠ج
تطلع على شبكة المياة وتدفع اى متاخرات مياه عليها وبعدها تطلع مخالصة مياه ب٥٧ ج
بعدين تطلع على الجهاز ، وتقدم طلب موقف تنفيذى ، وتاخد معاك :
( صورة محضر الاستلام ، مخالصه مياه ، صورة البطاقه ، صورة ايصال اخر سداد للقسط ، التوكيلات ان وجد )
وبعد ١٥ يوم هيطلع الموقف التنفيذى ، لو مافيش مخالفات هتكمل باقى الاجراءات.
(ولو عندك اى مخالفات يبق تقدم طلب مصالحة )
بعد ما تستلم الموقف التنفيذى ، تروح بقي للجهاز وتقدم على طلب صورة طبق الاصل، وتاخد معاك :
(اصل الموقف التنفيذى ، مخالصة مياه ، صورة محضر الاستلام ، صورة البطاقه ، اصل مذكرة الفقد ، التوكيلات ان وجد)
وتقدم الطلب ، وبعد ١٥ يوم هتستلم صورة طبق الاصل من محضر الاستلام مختومه بشعار الجمهوريه ( ختم حى )
بقلم المستشار : شريف مصطفى 01061086888
