كلمة شكر من القلب لأهالي الحي ال16 || اللى يستحق الشكر بجد في موضوع التليفون الارضي دة هو جمهور الحي ال16 العظيم
اللي يستحق الشكر بجد في موضوع التليفون الارضي دة هو جمهور الحي ال16 العظيم اللى لما طلبنا منهم يتواصلوا مع الجهات المعنيه لتقديم شكوى بعدم توصيل الخدمة متأخروش بجد وبناء عليه تم تصعيد الأمر لأعلى المستويات والحمد لله الناس تحركت وبدأ يكون فيه شغل على أرض الواقع بجد شكراً ليكم جمهور الحي ال16 العظيم.
وزي ما قبل كدة وقفتوا معانا بتشغيل السوق لو فاكرين وكنتم أصحاب الفضل في دة انتوا بردو أصحاب الفضل بعد ربنا
مفيش حد له فضل عليكم إحنا أو غيرنا اللى بيوصل صوتكم عبر مواقع التواصل الاجتماعي او التواصل مع المسؤولين مباشرة مجرد حد بينقل طلباتكم وسبب ودة مايديش الحق أبدأ لحد ينسب أى عمل بأنه صاحب الفضل على حد والعياذ بالله مابيشكرش في نفسه غير إبليس لعنه الله عليه.
نبذة سريعه بس عن الناس اللى تواصلنا معاهم لتشغيل الخدمة منذ ثلاثة سنوات
أولا كان المهندس أسامة ندا مدير عام الكهرباء والإتصالات بالجهاز
وبعدها تابعنا الموضوع مع
المهندس خالد شاهين رئيس جهاز العاشر من رمضان
وبنفسه تدخل في الموضوع لكن كان فيه مشكله كبيرة إن أغلبية الكباين للأسف كانت مسروقه وكان الموضوع أكبر من أي حد
والخلوق المهندس جمال الظايط
والمهندس إيهاب فؤاد ربنا يبارك فيهم الجنود المجهوله اللى بيسمعوا لينا بدون كلل أو ملل ودائما يتواصلوا لحل أى مشكله من أي نوع
والمهندس محمد إبراهيم المحترم اللى حتى الأن أول بأول بيتابع معانا ومع السنترال
والأستاذ طلال مهدي الصحفي الحر المحترم
اللى بدورة كان بيساعد بشاكوى للمحافظة وغيرها من الجهات المعنية.
اه عارفين الاستاذ طلال مهدى من أيام ماكنا عايشين في الصحراء هنا وماكان بيعبرنا حد غيرة والله .
والمهندس أحمد سلامة مدير سنترال العاشر اللى بيتواصل معانا بشكل مستمر
والمهندس أحمد نصر مسؤل سنترال العاشر والاستاذ حمدى مسؤل التركيبات اللى مصدعينه يوم بعد يوم والله الاستاذ محمد عمار أول واحد قابله ولف معاه الحى كابينه كابينه علشان يعرفه اماكنهم وينجز معاه العمل.
انا بذكر الناس دى ليه علشان فعلاً على مدار سنوات الموضوع كان أكبر من الكل
لأن للأسف كمان غير سرقة الكبائن كانت أسلاك كتير تم تقطيعها أثناء الحفر للعماير بمنطقة الربعميات والخمسميات .
وكمان كروت الفايبر اللى للأسف بتيجى من برة مصر مش من هنا خالص .
يالا الحمد لله رب العالمين إن فيه خدمة جديدة وصلت للناس ودة اللى يهمنا وكتر ألف خير كل واحد راح السنترال من الاهالى حتى وسأل عن توصيل الخدمة له مننا التقدير والاحترام 
ومن حق أي حد يروح أى مكان ويطالب بالخدمة فالخدمة حق للجميع وأسف للأطاله والله
دمتم بخير وعافية
هنزل لكم جميع المشاركات اللى قبل كدة اللى بتتكلم عن التليفون الارضي بالحي ال16
ودة فيديو من حوالى سنة كان على قناة الحي ال16
وطبعاً كلها كانت قريباً ودة حسب كلامهم لكن لما لقينا الموضوع بيطول قولنا نسكت لما يكون فيه شئ على أرض الواقع بجد ونبقي نتكلم .
علشان احنا نفسنا كنا خلاص زهقنا لكن الحمد لله رب العالمين.
وطبعاً زى ما واضح في المنشورات من ٢٠١٨ حتى
وبشكر بصفة خاصة زمايلى بإدارة الجروب المحترمين 
شاهد أيضأ